Share

O le sailiga-pine o Fusuga faa-Polofesa , o le a faatautaia i le Aso Tofi i le Fale Taalo a le Apia Park.

Sa fa’aalia e le Failautusi Aoao o le Asosi o Fusuaga, Ale Vena, e ui lava ina utiuti le faasoa ma le lava le itu tau seleni mo le faatinoina o lenei vaega, e le mafai lava ona latou taofia lenei faamoemoe e pei ona i lenei aso. Na ia saunoa o se tulaga taua tele o le fesoasoani lea i alo ma fanau a le atunuu o loo taumafai e atiae lenei taleni mo latou olaga.

“O loo matou tilotilo pea i ni auala mo le alualu i luma ma le siitia o le taumafai a matou tama taaalo ina ia mafai ona tuuina atu i latou i atunuu mamao aua le faalelei o latou tomai ma maua se isi malamalama sili atu i lenei taaloga, o lana saunoaga lea.

Na ia saunoa o le faatino ai o lenei faamoemoe, e ui i lea, o loo faatali pea le Asosi mo e talosaga mai se tasi o atunuu. Na ia faapea mai foi e na o le pau le faafitauli ona latou te lei talosaga atu ae peitai o loo faatali mo se talosaga mai se tasi o faiaoga i atunuu mamao.

“I le tulaga faamaoni lava, o le a matua faaamanuiaina i latou o loo taaalo faapolofesa i le fusuaga i atunuu mamao e sili atu nai loo inei i Samoa, aepeitai, o loo faaauauina pea le galulue malosi o tama taaalo.”

Na ia saunoa mai afai o iai se tasi i lenei lalolagi e manao e faatino lenei taleni pe a maea i le Aso Tofi, e tatau lava i ai latou ona faafesootai le Asosi i totonu o le on masina.

“ Tusa lava pe e te aumau i Niu Sila, Ausetalia, ma Amerika, e mafai lelei ona tuuina mail au talosaga.” O le ono fusu’aga o le a fa’atinoina i lea po, ua saunoa ai Ale e fa’apea o se po fa’a le aiga mo tagata uma.

O fusuaga e aofia ai : Heavyweight - Seiaute Mailata and Gososina Ulutoa; Cruiserweight - Falani Tavu’i and Oleni Vaisola; Light Heavyweight - Pele Faumui and To’o Mita’i; Junior Middleweight - Leti Emelio Leti and Alema Vaele; Super Middleweight - Pele Faumui and To’o Mita’i; and, Welterweight - Tony Iapesa and Oli Filimaua.

 

 

Share

Please Register OR Login to comment.


Comment Policy: Please read our comment policy before making a comment. In short, please be respectful of others and do not engage in personal attacks. Otherwise we will revoke your comment privileges.