Share

O le sikoa na toe maua i minute mulimuli o le taaloga mai le alii o Oneone Faafou, lea na tuuina atu ai loa le manumalo i le Au a Vaiala, ma ua malo ai i le vae lona lua o le Taamilosaga Lakapi Titoa Fitu Faataamilo a le Atunuu, lea na faataunuuina i le Aso Toonai na tea nei, i le malae o taaloga i le Apia Park.

Ina ua tulai mai ai o le taaloga, 28 i le 26, i ni nai minute lava maea le taaloga, na matua malosi le osofai atu a le alii o Faafou, ma manumalo ai loa mo le isi sikoa mataina, ma na matua vaaia foliga faanoanoa o le au lagolago ma le au atoa a Moataa i lea taimi.

O se Suega Siamupini mataina tele lenei taaloga, ma na vaaia ai le lelei atoatoa o au e lua i le taamilosaga i lea aso, ae le gata i lea, o le amataga o lenei taamilosaga mai lona aso muamua. Na matua malosi le osofai atu a Vaiala, ona o lo latou maumautaiga lava, ina ia aua nei o latou faiaina i lea suega siamupini.

O Vavao Afemai, na ia mauaina le uluai sikoa o sikoa e lua a Vaiala ma na taimua ai loa ai e 14 i le leai.

O se sikoa lona lua, na toe taumafai atu i ai le alii o Faagasolo Taeoalii. O ova i le pou, na faamanuiaina uma, lea na aaina e le alii o Alatasi Tupou. Ae peitai, na tuuina atu e le alii o Lolo Lui nisi o faamoemoega mo Moataa e toe sikoa ai, ona tulai mai ai loa o ai e 14 i le 7.

O le sikoa lona lua a Moataa, na maua lea e Richard Ah Chong ma na oo lava le tulaga faigata o le taaloga i le tutusa e tai 14 o latou ai.

I le afa lona lua, na toe maua ai foi nisi o sikoa e lua mai le alii o Taeoalii ma tulai mai ai ’ai o le taaloga, Vaiala e 26 ae 14 Moataa. Na toe maua le isi sikoa mo Moataa e le alii o Lester ma tulai mai ai ’ai o le taaloga o Vaiala e 26 ae 21 Moataa. Na tuuina atu le manumalo i le au a Vaiala, ina ua faiaina ai Moataa i le vae lona o lenei taamilosaga. O le vae lona tolu o lenei taamilosaga, o le a faataunuuina lea i le malae o taaloga i le Apia Park, i le Aso Toona o le a sau nei.

Na matua mataina le taalo a le alii o Faafou, ma na tele ni avanoa sa ia maua e laasia ai le laina sikoa. I nisi suega siamupini e pei o le taaloga o le Bowl, na manumalo ai SCOPA i le Samunda-Sili Barbarians e 17-10 ao Vaimoso HJ Keil na manumalo i le Plate, na faiaina ai Lepea e 33 i le 0.

Share

Please Register OR Login to comment.


Comment Policy: Please read our comment policy before making a comment. In short, please be respectful of others and do not engage in personal attacks. Otherwise we will revoke your comment privileges.

Manatu o le Fa'atonu
 

Talosia ia vave faafo’isia lou malosi Tuilaepa!

News image

Ua lē tutusa le silasila i le Palemene ananafi ina ua leai le Palemia o Tuilaepa Sailele Malielegaoi. O le mea moni, ua matua lē tutusa lava foliga o le Palemene talu ona ia tu’ua faafuase’i le Maota Fono i le vaiaso talu ai.

Lauga
 

“ O le Olataga e leai sona noataga “

News image

(Galuega, 5 : 17 – 25) E pei ua masani ai le soifuaga nei, soo se mea e iai lelei, e le ‘asa ma le faasalāvei. O le ala foi lea o le Saina loaloa o a tatou pisinisi ma faleoloa, auā a tau lelei a’e le isi Samoa, ae faamo’amo’a e se isi foi Samoa. Ona sa’o ai lea o se tasi tamaloa, “ua koe oki lava kakou ia kakou!”